docter cokes & master hossy as he thowght was sent to tatche me & ther for he sent his man to be afore & hyffe I dyd speke with them that I scholde say that I Resayvyd no letters bot of cokeson weche his dede & this was bot to breng me In danger & fawse them selffe & hyffe I come before the consell I wyll byde by all this for hit his trew bot hit his Inposibyll for aman to have evere day or tyme In Remembrance that hathe bene done or sayde in ayere bot I pot all to godes grace & the kynges & to your lordeshep

Also I haste askyd schethers man wher he hadde bene with my lorde of wenchester sence the comeng downe of my lordes grace & he sayde ye & tolde my lorde how all was handylt here among us & my lorde of venchester answerd & sayde ye my lorde of canterbere colde not kyll them. ther for soffer, for all was agane hym selfe that he dyd & he scholde se what wolde come of hit

also at the comyng upp of the prebynders to london master schether pot the wryttynges & artekylles to master forde that maryd his syster that he scholde wrytte them weche was agret boke of ii dayes labore what was the contentes therof I know not I thenke all the holle artekylles compyllyd togeder

also master docter thornton in the ale before my dore In london I dyssyryd hym to speke to my lorde of cantorbere or some of his offessores to instrocte hym that I never pot up artekyll to agane one man In my lyve & he bad me steke to hit & be not aferde for he had spokon to the consell his mynde ther in as he was bownde & so be ye beyng the kynges chaplane or else here after hit wolde be lade to your charge